Helio Vera pe guarâ

Mba'eiko pe'a che irû
reju rejapuraite
magmávape ore mondyipe
ha tuichaite ore rasê
Oparupirei, reikovépa oñeporandu
ha puho'e ohecháma katu
ha ta'anga mbyryry avei
omombe'u mbykymimi
ndosóiha nde rekove sâ.
Magmáva rovy'a joa
reikovemi gueteriha
ha che katu ha'e voi
anichéne ñande reja
ko che tayhupára yma,
vokoike roî jeyne
oñotîre vy'a râ.
Upégui che angirû
ndachevéi voi apyta
ha'ente ku rohechátava
terere rupa reipota
ja ñe'e jey hagua
ne rembiapota aja.
Nandepochyimi voi
niko, mba'evére.
ha tuicháicha repuka
roikaa ypyrô guarêicha
pe amo mombyry
ne retâ'i mime, Guairá.
Ndaipóri nembyasy'yva
oihaicha tekove
kuñakaraimimi guive,
pohâ ro'ysâ gueruha.
Yvypòra oiháicha
vokoike osapukáipa
animora'e ore reja
roipokuaa'y mboyve
ne pore'y paharâ.
Ro mbokele'e ava ñe'eme
nde che irû ymaite guive,
aikuaagui rehayhuha
ñande ypykue guarâ ñe'e,
mombyry rehoite mboyve.
Hi'ante va'erâ ku chéve
re jeyvy sapy'ami
ha ynambuñu oikoháicha
re veve mbykymi
ha nde irû kuéra taneroguaitî
ñe'e yvoty guaraníme,
nemomaiteî mbykymi.